هەواڵ
دارایی راگەیەنراوێکی بەپەلە لەبارەی دابەشکردنی موچەوە بڵاودەکاتەوە
ھۆکاری دواکەوتنی موچەی فەرمانبەران لەبەغدا ئاشکرادەکرێت و سەرچاوەکیش لەوەزارەتی دارایی و ئابووری حکومەتی ھەرێمیش رایدەگەیەنێت: ئەگەر سبەینێ پارەکە بەغدا بگاتە دەستمان لەڕۆژی یەکشەممەوە دەستبەدابەشکردنی موچە دەکەینەوە.

بەگوێرەی ئەو زانیارییانەی SNN لەسەرچاوەیەکی وەزارەتی داراییەوە، وەکو وەزارەتی دارایی  لەسەر ھەمان خشتەی دابەشکردنی موچەی مانگی رابردوو دەڕۆن، چاوەڕێ دەکەن سبەینێ پارەکەی بەغدا بگاتە دەستیان، ئەوکاتە لەڕۆژی یەکشەممەوە دەستبەدابەشکردنی موچە دەکەنەوە.

سەرچاوەکە وتیشی:"ئەگەر سبەینێ پارەکەی بەغدا بگاتە ھەرێم ناتوانین گۆڕانکاری لەخشتەی دابەشکردنی موچە بکەین، بەڵام رۆژی یەکشەممە بەپێی خشتەکە وەزارەتی خوێندنی باڵا موچەی پێدەدرێت".

ھەر بەگوێرەی ئەو زانیارییانەی دەست SNN کەوتووە،"ھۆکاری دواکەوتنی پارەکەی بەغدا بەھۆی سەرقاڵی وەزیری دارایی عیراقەوە بووە، کە واژۆکردنی لەسەر خەرجکردنی پارەکە دواکەوتوە".

ھەموو مانگێک وەزارەتی دارایی تاوەکو ٢٣ی مانگ کۆتایی بەدابەشکردنی موچەی ھێناوە، سەرچاوەکەی وەزارەتی داراییش رایگەیاند:"بۆ ئەم مانگەش دواناکەوێت، ئەگەر رۆژێک یان دوو رۆژیش دوابکەوێت کاریگەرییەکی ئەتۆی نابێت، چونکە مانگی واش ھەبووە، وەزارەتی دارایی بەھۆی بۆنەکانی جەژنەوە دابەشکردنی موچەی پێشخستووە". 


SNN:

شاھۆ خوارەحم

 مانگ پێشتر - Jul 17 2019 8:16PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.