هەواڵ
حكومەت ئامادەیی بۆ قەرەبووكردنەوە دەردەبڕێت.. زانیاری ورد بڵاوكرایەوە
حكومەتی عیراق ئامادەیی بۆ قەرەبووكردنەوەی ئەو جوتیارانە دەربڕی كە دەغڵودانەكانیان لەماوەی ڕابردوودا سوتێندران و پەرلەمانتارێكی یەكێتیش جەخت لەسەر خستنەگەڕی هەوڵەكانیان بۆ پەلەكردن لەخەرجكردنی پارەی قەرەبووەكە دەكاتەوەو ڕاشیدەگەیەنێت: ئابووری عیراق تیرۆركراوە.

ڕۆژی 13ی 6ی 2019 بەزۆرینەی دەنگی ئەندامانی ئەنجومەنی نوێنەران، پرۆژەكەی فراكسیۆنی یەكێتی بۆ قەرەبووكردنەوەی سوتانی دەغڵودانی جوتیاران پەسەندكرا.

لەبارەی وەڵامی حكومەتیش بۆ بڕیاری قەرەبووكردنەوەكە، ئەڵماس فازڵ، ئەندامی لیژنەی یاسایی پەرلەمان، بە SNNی ڕاگەیاند: نوێنەری حكومەت ئامادەیی نیشاندا بۆ جێبەجێكردنی بڕیاری قەرەبووكردنەوەی جوتیاران، كە بەهۆی سوتانی دەغڵودانەكانیان زیانیان بەركەوتووە، قەرەبووكردنەوەكەش لەبودجەی فریاكەوتن خەرجدەكرێت.

ئەڵماس فازڵ وتیشی:" سوتانی دەغڵودانەكان، جگە لەوەی زیانی مادیی هەبووە، هاوكات زیانی مەعنەویشی هەبووەو دەستێك لەپشت سوتاندنی بەشێك لەدەغڵودانەكانەوە هەبووە، بۆیە لیژنەیەكی لێكۆڵینەوەش پێكهێندرا تا ئەنجامەكان و هۆكارەكانیشی بخرێتەڕوو، هاوكات سزای تاوانبارانیش بدرێت".

ئەو ئەندامەی ئەنجومەنی نوێنەران سوتانی دەغڵودانەكانی بە تیرۆركردنی ئابوری وەسفكردو وتی:"دەرهاویشتەی ئابووری و مەعنەوی لێكەوتۆتەوە".

ئەڵماس فازڵ كە ئەندامی فراكسیۆنی یەكێتییە، ئەوەشی ئاشكراكرد: وەك فراكسیۆنەكەمان هەموو هەوڵێكمان دەخەینەڕوو بۆئەوەی لەمساڵدا بڕیاری قەرەبووەكە جێبەجێبكرێت، بەڵام حكومەت لەرابردوودا لەبەرامبەر جوتیاران كەمتەرخەم بووە، بەتایبەت بەرامبەر جوتیارانی هەرێم، بەشێك لەئیستحقاقەكانی پێنەداون".

سەبارەت بەمیكانیزمی قەرەبووەكەش، وتی:"لەڕێگەی كشتوكاڵی پارێزگاكانەوە زەرەرو زیانەكانی جوتیاران تۆماربكرێن، بۆئەوەی بەیەك پاكێج بدرێنە حكومەت و قەرەبووەكەیان وەربگرن".


SNN:

ڕەنج تاڵیب

 مانگ پێشتر - Jun 15 2019 3:25PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.