هەواڵ
پێش جەژن موچەی مانگی (3) دابەش دەكرێت
گەنجینەكان داوا لە پەروەردەی سلێمانی دەكات بەپەلە لیستی موچەی مانگی 3 ئامادە بكەن، بەرپرسێكی پەروەردەی رۆژئاوای سلێمانیش رایدەگەیەنێت: لیستەكەمان ئامادەكردووەو ئەگەری هەیە پێش جەژن موچە بدرێت، دەشڵێت: گۆڕانكاری لە لیستی موچەی مانگی (4)دا دەكرێت.

شلێر عەلی محەمەد، لێپرسراوی ژمێریاریی ئامادەیی و پشەییەكان لەبەڕێوەبەرایەتی پەروەردەی رۆژئاوای سلێمانی، بە SNNی راگەیاند: ئەمڕۆ 20ی 5ی 2019 ئاگادار كراینەوە كە لیستی موچەی مانگی (3) بەپەلە ئامادە بكرێت، گوایە پێش جەژن دابەشدەكرێت، بۆیە لەئێستادا لیستی موچەكەمان تەواوكردووە.

وتیشی: "لەلایەن گەنجینەوە ئاگادار كراوینەتەوە كە لیستی موچەی مانگی (4) گۆڕانكاری تێدا بكەین، چونكە ئەو ستافەی لەچەند مانگی رابردوودا وردبینی لیستی پەروەردەیان كردووە، ئێستا گۆڕدراوە بەستافێكی دیكەو داوای هەندێك گۆڕانكارییان كردووە لەلیستەكەدا".

روونیشیكردەوە، ئەو ستافە پێشتر وردبینی لیستی موچەی پۆلیس و تەندروستیان كردووەو لیستی موچەی ئەوانیان بینیوە، داوایان لێكردوین لیستی پەروەردەش رێژەی دەرماڵەو پایەی لەسەر بێت و لەسەر لاپەڕەی (A3) ئامادە بكرێت، نەك لەسەر لاپەڕەی (A4) كە پێشتر لیستی موچەی پەروەردە لەسەر ئەوە بووەو تەنیا كۆی پارەكە لەسەر لاپەڕەی (A3) بووە.

بەرپرسەكەی بەڕێوەبەرایەتی پەروەردەی رۆژئاوا دەڵێت: "لەبەرئەوەی بەپەلە داوای لیستی موچەی مانگی (3) كراوە، بۆیە بەهەمان شێوەی پێشتر بووە، بەڵام لیستی موچەی مانگی (4) ئەو گۆڕانكارییانەی داوایان كردووە جێبەجێی دەكەین بەواژۆی ژمێریارو وردبین و بەڕێوەبەرەوە رەوانەی گەنجینەی دەكەینەوە.


SNN:

شاهۆ خوارەحم

  3 مانگ پێشتر - May 20 2019 8:37PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.