هەواڵ
وەزارەتی دارایی بڕیاردەدات.. وادەی كۆبونەوەكە ڕاگەیەندرا
سبەینێ وەزیری دارایی و كاروباری ئابووری حكومەتی هەرێم لەگەڵ بەڕێوەبەری گەنجینەكان كۆدەبێتەوەو بەگوێرەی زانیارییەكانیش، بڕیار لەسەر ئەو پێشنیازانە دەدرێت كە بۆ موچەو پێشینەی فەرمانگەكان خراونەتەڕوو.

بەگوێرەی ئەو زانیارییانەی لە یەكێك لە گەنجینەكانەوە بە SNN دراوە، سبەینێ دووشەممە 21ی 1ی 2019 بەڕێوەبەری گەنجینەكان لەگەڵ ڕێباز حەملان وەزیری دارایی كۆدەبنەوە، ئەم كۆبونەوەیەش تەواوكاری كۆبونەوەی هەفتەی ڕابردوویان دەبێت، كە لەگەڵ ڕابەر سدیق بریكاری وەزارەتەكە ئەنجامدرابوو.

هەر بەگوێرەی زانیارییەكان، لەكۆبونەوەی پێشوودا تایبەت بەموچەو ئامادەكردنی لیستی نوێی موچەخۆران و پێدانی پێشینەكان بەفەرمانگەو بەڕێوەبەرایەتییەكان، گفتوگۆی لەبارەوە كرا، لەكۆبونەوەی سبەینێشدا بڕیاری لەسەر دەدرێت و بەرچاوڕوونیش دەدرێتە بەڕێوەبەری گەنجینەكان، تا لەمانگەكانی داهاتوو پەیڕەوی شێوازێكی نوێ بكەن.

لەو زانیاریانەدا ئەوەشخراوەتەڕوو، لەكۆبونەوەكەی وەزیری دارایی و بەڕێوەبەری گەنجینەكاندا، بەوردی باس لەپێدانی ئامادەكردنی لیستی موچەی مانگەكانی 11 و 12ی ساڵی ڕابردوو دەكرێت، كە ئێستا كراون بە چەكی بانكی.


SNN:

ڕەنج تاڵیب

  6 مانگ پێشتر - Jan 20 2019 5:58PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.