ترافیک
٤ ھەڵە زیان بەگێڕی ئۆتۆماتیکی دەگەیەنێت
SNN: 

بەکارھێنانی گێڕی ئۆتۆماتیکی ھاوکاری کردووە لەئاسانکاری شۆفێری لەشوێنە قەرەباڵغەکاندا، ئەوەی خراپە تێچووی چاککردنی زۆرە و دەبێ ئاودێری بکرێت و بپارێزرێت بەڵام ھەندێ لەشۆفێران ھەندێ ھەڵە دەکەن کەزیان بەئۆتۆمبیلەکە دەگەیەنێت و گرفت و کێشە رووبەرووی گێڕەکە دەکاتەوە، لەوانەش: 
١- گۆڕینی گێرەکان بەبێ وەستان: ھەندێ لەشۆفێران گێرەکە لە D دەگۆڕن بۆ R یان بەپێچەوانەوە بەبێ ئەوەی بەتەواوی بوەستن، ئەمەش ھەڵەیە و زیان بەگێڕەکە دەگەیەنێت و خێرا دادەخورێت و تێک دەچێت. 
٢- ھاتنەخوارەوە بەبەرزاییەکاندا لەسەر گێری N: ئەمەش بۆ کەمتر سەرفبونی سوتەمەنییە بەڵام ئەمە مەترسیدارە و دەبێتە ھۆی کەمتوانایی کۆنترۆڵکردنی ئۆتۆمبیلەکە و لەکاتی ھەنگاوە بەپەلەکاندا رەنگە شۆفێر نەتوانێ بەھانای دۆخەکەوە بچێت.
٣- بەردەوام بەکارھێنانی N بەتایبەت لەقەرەباڵغیدا و زوو زوو گۆڕینی لە D بۆ N و گێراندنەوەی ئەمەش زیان بەگێرەکە دەگەیەنێت. 
٤- کاتێ لەسەر N دەبێت، ھەندێ شۆفێر پێ بەبەنزیندا دەنێت تا بزانێ توانای ئۆتۆمبیلەکە چەندە یان دەنگی چۆن دەبێت ئەمەش زیان بەگێرەکە دەگەیەنێت.

مانگ پێشتر - Aug 4 2019 3:38PM
9576
بابه‌تی زیاتر