ئاگادارییەک لە کارەبای سلێمانیەوە.... خشتەیەکی نوێ پەیرەودەکرێت
بەرێوەبەرایەتی كارەبای سلێمانی پەیامێك ئاراستەی هاولاتیانی چەند گەرەكێكی شاری سلێمانی دەكات و راشیدەگەیەنێت بەهۆی سوتانی ویستگەی مۆبایل بەكرەجۆە بەرنامەیەكی تایبەت بۆ كارەبای نیشتیمانی و موەلیدەی ئەهلی دانراوە .

بەگوێرەی ڕاگەیەنراوێكی بەرێوەبەرایەتی كارەبای سلێمانی كە وێنەیەكی دەستSNNكەوتوە وتیایدا هاتووە كە هاولاتیانی گەرەكانی بەكرەجۆی تازە و كۆن ئاگاداردەكرێنەوە كە هەر وەك پێشتر راگەیەنراوە بەهۆی سوتانی ویستگەی مۆبایل بەكرەجۆ بەتایبەت كە فیدرەكانی دابەشكردنی ئەو گەڕەكانەی ئۆڤەرلۆدن وەك چارەسەرێكی كاتی كە سەرە محەویلەیان بۆ دانەنرێت، بەرنامەیەكی تایبەتیان بۆ كارەبای نیشتیمانی و موەلیدەی ئەهلی دانراوە.

ئەوەشخراوەتەروو كە بەگوێرەی بەرنامەكە كارەبای نیشتیمانی فیدرەكانیان دەبێت بەدوو بەشەوە لە دوو ماوەی جیاواز كارەبایان پێدەدرێت كە بەشێكیان 12ی نیوەڕۆ بۆ 12ی شەو و بەشەكەی دیكەشیان 12ی شەو بۆ 12ی نیوەڕۆ كارەبان پێدەدرێت ، رۆژی دواتریش پێچەوانە دەبێت.

باسلەوەشكراوە بەرنامەی موەلیدەی ئەهلی ئەو گەڕەكانەش ڕۆژانە لەكاتژمێری 4ی دوانیوەرۆوە بۆ 12ی شەو دەبێت، واتە موەلیدە ئەهلیەكان تەنیا لەو كاتەنەدا دەبێت كار بكەن .

لە راگەیەنراوەكەدا تەئكیدكراوەتەوە هەندێك لەگەڕەكەكان، بەهۆی تێكەڵی فیدەرەكانیانەوە ، كارەبای موەلیدە و كارەبای نیشتیمانیشیان لە یەك كاتدا دەبێت ، ئەو حاڵەتەش ناچارییەو ئەگەر وانە بێت بەشێیك لە گەڕەكەكان كارەبای موەلیدەیان نابێت.

جەختیشكراوەتەوە پەیرەوكردنی  ئەو بەرنامەیە ناچاریە تا تەواوبوونی وێستگە سووتاوەكەی بەكرەجۆی دەكەوێتەوە كارو پێشبینیدەكرێت لەكۆتایی مانگی یەكی ساڵی 2019 تەواوبێت، بەوەش كێشەی ئۆڤەرلۆد و بارزۆری فیدەركان نامێنێت و ئاساییدەبێتەوە.


SNN:

بەشی هەواڵ

 هەفتە پێشتر - Dec 4 2018 8:51PM
Print Friendly and PDF

بابەتی زیاتر
هیچ بابەتێک به‌رده‌ست نیه‌ .
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.