وەرگرتنی ئەم بڕە پارەیە لەهاوڵاتیان دوادەكەوێت
حكومەتی هەرێم، وەرگرتنی پارەی خۆڵ و خاشاكی ماڵان و شوێنە گشتییەكان دوادەخات، لێپرسراوی بەشی خزمەتگوزاری شارەوانی سلێمانیش هۆكارەكەی ئاشكرادەكات و ڕاشیدەگەیەنێت: وەرگرتنی پارەكە دەكەوێتە ساڵی نوێیوە.

ڕزگار ئەحمەد، لێپرسراوی بەشی خزمەتگوزاری لەشارەوانی سلێمانی، بە SNNی ڕاگەیاند: لەئێستادا پرۆژەی وەرگرتنی پارەی خۆڵ و خاشاك لەهاوڵاتیان ڕاگیراوە.

لەبارەی هۆكاری ڕاگرتنی پرۆسەكەش، وتی:" سلێمانی كراوەتە 17 زۆن، لەو ژمارەیەش تەنها چوار زۆنی دراوە بەبەڵێندەر تا دەست بەوەرگرتنی پارەی خۆڵ و خاشاك بكەن، لەئێستاشدا ئەو بەڵێندەرانە سەرقاڵی كۆكردنەوەی ئامارو داتان بەسیستمێكی ئەلیكترۆنی، تا پێشكەشی شارەوانی بكەن، بەشێكیان ئامارو داتاكەیان پێشكەشكردووەو بەشێكیشیان ماون، لەڕێگەی لیژنەی ڕاوێژكاری شارەوانیشەوە پاش هەڵسەنگاندن، ڕەزامەندی بەكاركردنیان دەدرێت".

ڕاشیگەیاند: لەئیدارەی سلێمانی و هەموو شارێك هەیە كە لایەنە ئەمنییەكان ڕێوشوێنی پێویست دەگرنەبەر بۆ هەر كارێك، لەئێستاشدا پۆلیس و ئاسایش گفتوگۆ لەگەڵ بەڵێندەران دەكەن تا بزانرێت بەچ میكانیزمێك پارەكە كۆدەكرێتەوەو لەدەرگای ماڵان دەدرێت، بۆئەوەی خاوەنكارو كۆمپانیاكان بەشێوەیەكی تەندروست پارەكە كۆبكەنەوە.

بڕیارە (3- 5) هەزار دینار مانگانە لەبەرامبەر كۆكردنەوەی خۆڵ و خاشاكی ماڵان وەربگیرێت.

سەبارەت بەوادەی دەستپێكردنی وەرگرتنی پارەكەش، ڕزگار ئەحمەد وتی:" چاوەڕوانین بەڵێندەری تریش سەردانمان بكەن بۆئەوەی زۆنەكانی تر وەربگرێت، بەڵام بەگشتی كۆكردنەوەی پارەكە دەكەوێتە ساڵی داهاتوو.


SNN:

ڕەنج تاڵیب

 هەفتە پێشتر - Dec 4 2018 3:08PM
Print Friendly and PDF

بابەتی زیاتر
هیچ بابەتێک به‌رده‌ست نیه‌ .
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.