تورکیا زیاتر دێتە قوڵایی خاکی ھەرێمی کوردستانەوە
شەڕو ڕوبەڕوبونەوەکانی نێوان گەریلاکانی پەکەکەو سەربازانی تورکیا لەناوچە سنورییەکانی ھەرێم بەردەوامە، بەڕێوەبەری ناحیەی شێروان مەزن-یش لەسەر ئەو گرژیی و ئاڵۆزیانە ڕونکردنەوە دەدات و ڕایدەگەیەنێت، "شەڕو ناکۆکیەکانی پەکەکەو تورکیا ھاندەرە بۆئەوەی تورکیا زیاتر بێتە کوردستان، بۆیە مەترسی گەورەیان بۆ ناوچەکە دروستکردوە".

کۆڤان ڕەشید بەڕێوەبەری ناحیەی شێروان مەزن لەلێدوانێکی تایبەتدا بەSNNی ڕاگەیاند، "شەڕی نێوان پەکەکەو سەربازانی تورکیا بەردەوامەو ڕۆژانە ئەو شەڕە لەسنورەکانی ئێمە ھەیە".

وتیشی:"شەڕەکان نزیکن لەئێمەوە، سەربازانی تورکیاش لەسەر سنورەکانن و شەڕی پەکەکەش پارتیزانیەو بەردەوام گورز وەشاندنەو ھاتنی فڕۆکەی جەنگیش دوبارە دەبێتەوە".

بەوتەی بەڕێوەبەری ناحیەی شێروان مەزن، لەکۆی ٧٢ گوندی سنورەکەیان تەنھا ١٨ گوند ئاوەدانکرداونەتەوە، ئەو دەڵێت:"ھۆکاری سەرەکی ئاوەدان نەکردنەوەی ئەو گوندانەش بۆ بەردەوامی شەڕی تورکیاو پەکەکە دەگەڕێتەوە".

ئەوەشی وت:"بوینەتە قوربانی شەڕی نێوان پەکەکەو تورکیا، بۆیە داوادەکەین کۆتایی بەشەڕو ئاڵۆزیەکان بھێندرێت بۆئەوەی ھاوڵاتیان بگەڕێنەوە سەر زێدی خۆیان".

بەڕێوەبەری ناحیەی شێروان مەزن مەترسی ھاتنی ھێزی زیاتری تورکیاشی ئاشکراکردو وتی:"ئەو شەڕە دەبێتە ھاندەرێک بۆئەوەی تورکیا زیاتر پەلبھاوێت بۆ ناوچەکانی باشوری کوردستان، بەردەوامیش مانۆڕی سەربازی ئەنجامدەدات و مەترسی گەورەشیان بۆ ناوچەکە دروستکردوە".


SNN:

ڕەنج تاڵیب

 ساڵ پێشتر - Oct 13 2017 6:59PM
Print Friendly and PDF

بابەتی زیاتر
هیچ بابەتێک به‌رده‌ست نیه‌ .
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.