هەواڵ
ھەڵوێستی حکومەت لەسەر پاشەکەوتی موچە ئاشکرادەکرێت
ئەندامێکی لیژنەی دارایی لەئەنجومەنی پارێزگای ھەولێر رایدەگەیەنێت پڕۆژەکەیان لەبارەی دانەوەی قەرزەکان لە پاشەکەوتی موچە، لەلایەن حکومەتەوە بەتەواو رەتنەکراوەتەوەو بەنیازین میکانیزمی جێبەجێکردنی پڕۆژەکە بدەین بەحکومەت، دەشڵێت: ئەگەر میکانیزمەکە رەتکرایەوە، ھەڵوێستی حکومەت لەسەر پاشەکەوتی موچە ئاشکرا دەکەین.

دلێر حسێن ئەندامی لیژنەی دارایی لەئەنجومەنی پارێزگای ھەولێر بە SNNی راگەیاند: دەستبەرداری پڕۆژەکەمان نابین لەبارەی دانەوەی قەرزی خزمەتگوزارییەکان و پێشینەکان لەپاشەکەوتی موچە، چونکە حکومەت بەتەواوی پڕۆژەکەی رەتنەکردۆتەوەو تەنھا وەڵامی وەزارەتی دارایی بۆ ناردوین.

وتیشی: "لەگەڵ ژمارەیەک لەپسپۆڕان و شارەزایانی ئابووری قسەمان کردووە، بەنیازین میکانیزمی جێبەجێکردنی پڕۆژەکەمان بدەین بەحکومەت، بۆئەوەی پاساوەکانی وەزارەتی دارایی نەمێنێت".

سەبارەت بەوەی ئەگەر ھاتوو جارێکی دیکەی حکومەت رەتیکردەوە، دلێر حسێن وتی: "خاڵ بەخاڵی وەڵامەکەی وەزارەتی دارایی دەکەین بەپڕۆژەو لەژێرناوی (سەرنجێک لەسەر وەڵامەکەی وەزارەتی دارایی، ئەم رێگایانە ئاسانە بۆ جێبەجێکردنی پڕۆژەکەی ئەنجومەن) پێشکەشی حکومەتی دەکەین".

وتیشی: "ئەگەر حکومەت میکانیزمی جێبەجێکردنی پڕۆژەکەشی رەتکردەوە، ئەوکاتە بۆ رایگشتی رایدەگەیەنین کە حکومەت ھیچ نیازێکی نییە پاشەکەوتی موچە بداتەوە". 


SNN:

شاھۆ خوارەحم

  7 مانگ پێشتر - Mar 20 2017 4:57PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.