هەواڵ
ئاگری نەورۆز لە ٢٠ی مانگدا ناکرێتەوە
لیژنەی ئامادەکاری ئاھەنگەکانی جەژنی نەورۆز لە سلێمانی، بەبیانووی ئەگەری بارانبارین لە رۆژی ٢٠ی مانگ، بڕیاریداوە ئاگری نەورۆز لە ئێوارەی ئەو رۆژەدا نەکرێتەوەو بخرێتە رۆژێکی دیکە.

ئیبراھیم ئەحمەد، وتەبێژی لیژنەی ئامادەکاری فێستیڤاڵی نەورۆز، بە SNNی ڕاگەیاند: بەھۆی ئەوەی تا ڕۆژی چوارشەممە بارانبارین بەردەوام دەبێت، مەراسیمەکانی تایبەت بەفێستیڤاڵی نەورۆز بەڕێوەناچن و ناتوانرێت ئامێرەکانی میوزیک دابنرێن و چالاکییەکان بەگوێرەی پێویست بخرێنەڕوو، جگە لەوەش خەڵک ئامادەی مەراسیمەکان نابن.

وتیشی:" یانەی فڕۆکەوانی، لەئاسمانەوە نمایشیان ھەیە، ناتوانن لەکاتی بارانباریندا نمایشەکەیان بکەن، ئێمەش یەک بۆنەی نیشتمانیمان ھەیە، ھیچ نەبێت با لەکەشوھەوایەکی لەبار بکرێت و تام و چێژێکی تایبەتی ھەبێت و خەڵکێکی زۆر کۆببێتەوە، بۆیە دوامانخستووە بۆ ئێوارەی ڕۆژی پێنجشەممە ٢٣ی ئادار".

ڕاشیگەیاند: سبەینێ کاتژمێر ١١، بە فەرمی دواخستنی چالاکییەکان ڕادەگەیەنین، قائیمقامیەتی سلێمانیش خۆیان سەرپشک دەبن لەداخستنی شەقامی سالم لە ئێوارەی ڕۆژی ٢٠ی مانگ.


SNN:

ڕەنج تالیب

  9 مانگ پێشتر - Mar 18 2017 8:42PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.