هەواڵ
پشوی نەورۆز بۆ ماوەی ھەفتەیەک درێژکرایەوە
ئەگەرچی بڕیاردرا تەنھا سێ ڕۆژ پشوی ڕەسمیی بێت لەسەرجەم فەرمانگەکانی شاری کەرکوکدا، بەڵام خوێندنی کوردی لەکەرکوک زانیاریەکی نوێی ئاشکراکردو پەروەردەی کوردی لەکەرکوکیش ڕایگەیاند، "دوای ڕەزامەندی وەزیری پەروەردە، پشوەکە بۆ ھەفتەیەک درێژکراوەتەوە".

نەبەز ڕۆستەم لێپرسراوی بەشی ڕاگەیاندن لەبەڕێوەبەرایەتی پەروەردەی کوردی لەکەرکوک بەSNNی ڕاگەیاند، "ئەمڕۆ شێرزاد ڕەشید کاکە بەڕێوەبەری پەروەردەی کەرکوک پەیوەندیی بەد.پشتیوان سادق وەزیری پەروەردەوە کردوەو داوای لێکردوە، ڕۆژی چوارشەممە کە ٢٢ی ئادارە، دەوام لەناوەندەکانی خوێندن نەبێت ھاوشێوەی فەرمانگەکانی دیکە".

سەبارەت بەوەڵامی وەزیری پەروەردەش نەبەز ئاشکرایکرد، "وەزیر ڕەزامەندی نیشانداوە، بەو ھۆیەشەوە ڕۆژانی (٢٠، ٢١، ٢٢، ٢٣، ٢٤و ٢٥ی ئاداری ٢٠١٧) لەناوەندەکانی خوێندن دەوام ناکرێت".

لەبارەی ئەوەش ئاخۆ بۆچی پشوو لەناوەندەکانی خوێندن بەو شێوەیە درێژکراوەتەوە، لێپرسراوی بەشی ڕاگەیاندن لەبەڕێوەبەرایەتی پەروەردەی کوردی کەرکوک وتی:"بەو ھۆیەی سێشەممە پشوەو خەڵک دەچێتە دەرەوەو ماندو دەبێت، بەگونجاومان نەزانی مامۆستایان و خوێندکاران ڕۆژی دواتر بەو ماندوێتیە بچنەوە ھۆڵەکانی خوێندن، بۆیە چوارشەممە کرایە پشوو، پێشنجشەممانیش پشوەو ھەینی و شەممەش دیسانەوە دەوام ناکرێت".


SNN:

ھەردی عادل- کەرکوک

 مانگ پێشتر - Mar 18 2017 11:05AM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
E-Mail: [email protected]
© Copyright 2016 SNN. All Rights Reserved.