هەواڵ
زانیاری نوێ لە بارەی ڤیزای ئێرانەوە ئاشکرادەکرێت
كۆماری ئیسلامی ئێران لەبارەی هەڵگرتنی ڤیزا لەسەر هاوڵاتیان داوایەك ئاراستەی حكومەتی عیراق دەكات، نوێنەری حكومەتی هەرێمیش لەتاران ڕایدەگەیەنێت، "ئەگەر عیراق ئەوكارە بكات، ئێرانیش ڤیزا ناهێڵێت".

نازم دەباغ نوێنەری‌ حكومەتی‌ هەرێم لەتاران بەSNNی‌ ڕاگەیاند، "پڕۆژەی هەڵگرتنی ڤیزا لەسەر هاوڵاتیان لەنێوان هەرێم و ئێران پڕۆژەیەكی نوێ نییەو جارجار سەرهەڵدەداتەوەو گفتوگۆی لەسەردەكرێت".

وتیشی:"حكومەتی هەرێمیش لەئێستادا تاكلایەنە خۆی ڤیزای لەسەر پاسپۆرتی ئێرانی هەڵگرتوە بۆ هەموو كەسێك نەك تەنها بۆ بازرگانەكان".

بەرپرسەكەی هەرێم لەتاران ئەوەشی ئاشكراكرد، "لەماوەی ڕابردودا كۆماری ئیسلامی ئێرانی داوای لەعیراق كرد ڤیزا هەڵبگرێت لەسەر پاسپۆرتی ئێرانی، بۆ ئەوەی لەبەرامبەردا ئەوانیش ڤیزا هەڵبگرن".

ئاماژەی بەوەشدا، "ئەو داوایەی ئێران كە لەعیراقی كردوە بۆ هەمو هاوڵاتیەكە، واتە هەوڵەكە بەشێوەیەكە لەنێوان عیراق و ئێراندا ڤیزا نەمێنێت، نەك تەنها بۆ بازرگانان، بەڵام تائێستا ڤیزا لەنێوان ئەو دوو وڵاتەدا هەرماوە".


SNN:

شادان حەسەن

  3 مانگ پێشتر - Jan 20 2019 7:38PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.