هەواڵ
عەبادی لەبارەی ناردنی موچەی فەرمانبەرانەوە دڵنیایی دەدات
دوو هەفتە بەسەر ناردنی لیستی موچەی هەردوو وەزارەتی پەروەردەو تەندروستی بۆ بەغدا تێپەڕدەبێت، ئەندامێكی فراكسیۆنی گۆڕان لەئەنجومەنی نوێنەرانیش رایدەگەیەنێت: لەلایەن عەبادییەوە دڵنیاكراوینەتەوە كە موچەی فەرمانبەران دەنێرێت.

ماوەی (15)رۆژ بەسەر رادەستكردنی لیستی موچەی هەردوو وەزارەتی تەندروستی و پەروەردەی هەرێم بەحكومەتی عیراق تێپەڕدەبێت، بەڵام تائێستا وردبینی تەواونەبووەو هیچ بڕیارێكیش نەدراوە لەبارەی وادەی رەوانەكردنی موچەی ئەو دوو وەزارەتە.

ئەمین بەكر ئەندامی فراكسیۆنی گۆڕان لەئەنجومەنی نوێنەران بەSNNی راگەیاند: بەدواداچوونمان كردووەو لەلایەن حەیدەر عەبادی سەرۆك وەزیرانی عیراقەوە دڵنیاكراوینەتەوە كە موچەی فەرمانبەرانی هەرێم دەنێرێت، ماوەتەوەسەر ئەوەی ئالیەتەكەی تەواو بێت.

وتیشی"رەنگە وردبینیكردنی لیستی موچەی ئەو دوو وەزارەتە كێشەی تەكنیكی تێدابێت، بەڵام ئەوەندەی ئاگاداربین عەبادی پارەكە خەرج دەكات".

سەبارەت بەوەی ئایا عەبادی دەیەوێت لەڕێگەی ناردن و نە ناردنی موچەی فەرمانبەرانەوە شەڕێكی سیاسی لەگەڵ هەرێم بكات، ئەمین بەكر دەڵێت"نەخێر، پێموایە دەیەوێت بەشێك لەموچەی فەرمانبەرانی هەرێم خەرج بكات، ئەوەش بێ ئامانجی سیاسی نابێت".


SNN:

شاهۆ خوارەحم

  3 مانگ پێشتر - Jan 13 2018 3:26PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.