هەواڵ
SNN واده‌ی دابه‌شكردنی موچه‌ی خانه‌نشینان ئاشكراده‌كات
وه‌زاره‌تی دارایی و ئابوری حكومه‌تی هه‌رێم به‌رده‌وامی به‌دابه‌شكردنی موچه‌ی خانه‌نشینان ده‌دات، SNNیش زانیاری ورد سه‌باره‌ت به‌واده‌ی‌ دابه‌شكردنی موچه‌ی ئه‌و توێژه‌ ئاشكراده‌كات.

به‌گوێره‌ی ئه‌و زانیاریانه‌ی له‌وه‌زاره‌تی دارایی و ئابوری حكومه‌تی هه‌رێمه‌وه‌ به‌SNN دراون، حكومه‌تی هه‌رێم بڕیاریداوه‌ له‌مساڵدا به‌رده‌وامی به‌دابه‌شكردنی موچه‌ی خانه‌نشینی سه‌ربازیی و مه‌ده‌نی بدات و له‌و چوارچێوه‌یه‌شدا له‌خشته‌ی موچه‌دا واده‌ی دابه‌شكردنی موچه‌كانیان بڵاوده‌كاته‌وه‌.

هه‌ر به‌گوێره‌ی ئه‌و زانیاریانه‌، له‌كۆتایی ئه‌م مانگه‌دا موچه‌ی مانگی (سێ)ی ساڵی 2017ی خانه‌نشینان دابه‌شده‌كرێت.

سه‌باره‌ت به‌ده‌رماڵه‌ی هاوسه‌رو منداڵیش كه‌ له‌موچه‌ی مانگه‌كانی (1و 2) بۆیان نه‌به‌ستراوه‌، له‌و زانیاریانه‌ی وه‌زاره‌تی داراییدا ئاماژه‌به‌وه‌كرا، له‌گه‌ڵ موچه‌ی مانگی (سێ)دا كۆی ده‌رماڵه‌كانیان به‌یه‌كه‌وه‌ بۆ خه‌رجده‌كرێت، واته‌ ده‌رماڵه‌ی سێ مانگه‌كه‌یان به‌یه‌كه‌وه‌ پێده‌درێته‌وه‌ كه‌ لێیان بڕدراوه‌.


SNN:

ڕه‌نج تاڵیب

 هەفتە پێشتر - Jan 12 2018 9:45AM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.