هەواڵ
لیستێكی نوێ بۆ پاشەكەوتی موچەی پێشمەرگە دادەنرێت
رێژەی پاشەكەوتی موچەی وەزارەتی پێشمەرگە كەمدەكرێتەوەو بەگوێرەی زانیارییەكانی SNNیش، رێژەكە لەنێوان (5% بۆ 50%) دەبێت و وەزارەتی پێشمەرگە لەسەر ئەو بنەمایە لیستەی موچە ئامادە دەكات و واچاوەڕواندەكرێت رۆژی سێشەممە بەو لیستە موچە وەربگرن.

بەگوێرەی زانیارییەكانی SNN، ئەمڕۆ 23ی كانوونی یەكەم، كۆبوونەوەیەك لەنێوان وەزارەتی دارایی و ژمێریارەكانی وەزارەتی پێشمەرگەو هێزەكانی 70 و 80 بەسەرپەرشتی رێباز حەملان وەزیری دارایی و ئابوری حكومەتی هەرێم بەڕێوەچووە.

هەر بەگوێرەی زانیارییەكان، لەكۆبوونەوەكەدا وەزارەتی پێشمەرگە لیستێكی نوێی پێشنیاز كردووە بۆ رێژەی پاشەكەوتی هێزەكانی پێشمەرگە، كە لە (5%)ەوە دەستپێدەكات بۆ (50%).

د.شەماڵ جەبار یاوەر بەڕێوەبەری گشتی دەزگای تەندروستی پێشمەرگە بە SNNی راگەیاند: وەزارەتی پێشمەرگە داوایكردووە موچەی پێشمەرگە زۆر كەمەو ناكرێت هیچی لێببڕێت، وەڵامی وەزارەتی دارایی ئەوە بووە ئەوان دیراسەی ئەو لیستە نوێیە دەكەن و دواتر وەڵامیان دەدەنەوە.


بەگوێرەی ئەو زانیارییانەی لەسەرچاوەیەكی وەزارەتی پێشمەرگەوە دەست SNN كەوتووە، وەزارەتی دارایی بەلیستە نوێیەكە رازیبووەو ئاماژەیان بەوەكردووە كە ناتوانن لەوە زیاتر رێژەكان كەمبكەنەوەو داوایان كردووە وەزارەتی پێشمەرگە لیستەكانی لەسەر ئەو بنەمایە ئامادە بكات، چەند پارەی دیكەیان پێویستە.

هەر بەگوێرەی زانیارییەكانی SNN، وەزارەتی پێشمەرگە لەسەر بنەمای ئەو لیستەی ئەمڕۆ دانراوە لیستی موچە ئامادە دەكات و واچاوەڕواندەكرێت رۆژی سێشەممە موچەی وەزارەتی پێشمەرگە بەو لیستە دابەشبكرێت.


SNN:

شاهۆ خوارەحم

 3 هەفتە پێشتر - Dec 23 2017 5:57PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.