هەواڵ
رونکردنەوەیەک لەبارەی روداوی تەقەکردن لە هێزەکانی پێشمەرگە
سەبارەت بەتەقەکردنی لەسەنگەرەکانی ھێزی پێشمەرگە لەلایەن چەکدارانی حەشدی شەعبیەوە لەسنوری کەرکوک، پێشمەرگە ڕونکردنەوە دەدات و فەرماندەیەکی باڵای پێشمەرگەش چەند زانیاریەکی گرنگ ئاشکرادەکات.

چەند میدیایەک وایان بڵاوکردۆتەوە، چەکدارانی حەشدی شەعبی لەچەند گوندێکی سنوری داقوق بەچەکی قورس و سوک تەقەیان لەھێزەکانی پێشمەرگە کردوەو پێشمەرگەش وەڵامیداونەتەوە، بەڵام نەگەیشتۆتە حاڵەتی پێکدادان و ھێرشی زەمینی بۆسەر یەکتر.

لەوبارەیەوە عەمید ڕوکن ئاراس عەبدلقادر فەرماندەی لیوای نۆی ھێزەکانی پێشمەرگە لەسنوری داقوق لەلێدوانێکدا بۆ SNN سەرجەم ئەو زانیاریانەی ڕەتکردەوەو ڕایگەیاند، "حەشدی شەعبی لەسنوری داقوق لەھیچ گوندو ناوچەیەکەوە تەقەی لەپێشمەرگەو سەنگەرەکانی پێشمەرگە نەکردوە".

وتیشی:"ڕاستە حەشدی شەعبی بۆ ماوەیەک تەقەیان کردوە، بەڵام ئەو تەقانە لەئێمەو سەنگەرەکانمان نەبوە، بەڵکو پێدەچێت لەنێوان ئەوان و ئەو داعشانەدا شەڕو پێکدادان دروستبوبێت کە لەو ناوچانە خۆیان حەشارداوە".

فەرماندەکەی پێشمەرگە ئاماژەی بەوەشکرد، "ھێزەکانمان بۆ ھەر ئەگەرێکی نەخوازراو لەوپەڕی ئامادەباشیدان و ھەمولایەکیش دڵنیادەکەینەوە دۆخەکە ئارامەو ھیچ مەترسییەک بونی نییە".


SNN:

هەردی عادل - کەرکوک

  2 مانگ پێشتر - Oct 11 2017 10:48PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.