هەواڵ
ڕۆژانی پشوو ڕاده‌گه‌یه‌ندرێت
ڕۆژانی پشوو بۆ كۆتایی ئه‌م هه‌فته‌یه‌و سه‌ره‌تای هه‌فته‌ی داهاتوو ئاشكراده‌كرێت و وته‌بێژی كۆمسیارانی هه‌ڵبژاردن و ڕاپرسی-یش ڕایده‌گه‌یه‌نێت: ته‌نها رۆژی دووشه‌ممه‌ بۆ ریفراندۆم ده‌كرێته‌ پشوو، یه‌كشه‌ممه‌ ده‌وامی ئاسایی ده‌بێت.

شیروان زرار وته‌بێژی كۆمیسارانی هه‌ڵبژاردن و راپرسی، به‌SNNی راگه‌یاند: ڕۆژی دووشه‌ممه‌ 25ی ئه‌یلول، كه‌ پرۆسه‌ی ریفراندۆمی تێدا ئه‌نجامده‌درێت، له‌سه‌رتاسه‌ری هه‌رێمی كوردستان ده‌كرێته‌ پشووی ڕه‌سمی، به‌ڵام رۆژی یه‌كشه‌ممه‌ 24ی ئه‌یلول، ده‌وامی ئاسایی ده‌بێت.
سه‌باره‌ت به‌دانانی سندوق و ئاماده‌كارییه‌كان له‌ڕۆژێك به‌ر له‌ریفراندۆم، شیروان زرار وتی:" پێموانییه‌ ڕۆژی یه‌كشه‌ممه‌ پێویست بكات بكرێته‌ پشوو، چونكه‌ ئێمه‌ بینای قوتابخانه‌و خوێندنگه‌كانمان پێویست ده‌بێت و بۆ ئه‌و مه‌به‌سته‌ش دیاریمان كردوون كه‌ چۆن ده‌بێت، ئێستاش كه‌ پرۆسه‌ی خوێندن نییه‌و ده‌وامیان تێدا ناكرێت، له‌و ڕووه‌وه‌ گرفتمان بۆ دروست نابێت".
به‌گوێره‌ی ئه‌و ده‌نگۆیانه‌ی بڵاوكراونه‌ته‌وه‌، به‌بۆنه‌ی ریفراندۆمه‌وه‌، ئه‌و رۆژه‌و رۆژی پێشتریش ده‌كرێته‌ پشووی فه‌رمین ئه‌مه‌ش له‌كاتێكدایه‌ به‌پێی ساڵنامه‌ی پشووه‌كانی حكومه‌تی هه‌رێم، رۆژی پێنجشه‌ممه‌ 21ی ئه‌یلول، كه‌ ده‌كاته‌ 1ی موحه‌ڕه‌م، پشووی ڕه‌سمییه‌.



SNN:

ڕه‌نج تاڵیب

  3 مانگ پێشتر - Sep 19 2017 7:22PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.